心理學教授：3歲便能分辦不同種族，家長這樣做能讓孩子接納他人

好多人都會話小朋友嘅世界無大人咁複雜，佢地天真單純，待人真誠。但德州大學專攻兒童社會認知的心理學教授Dr. Rebecca Bigler指出，兒童早在三歲就已經能區分「我類」同「他類」，所依靠嘅係視覺上最明顯的特徵，例如膚色。

識得分「非我族類」，孩子仲會對同自己相似嘅人有所偏好，傾向相信「我類」擁有同自己一樣嘅優點，反而同自己最唔似樣嘅人就有負面特徵，例如係愚蠢、心地唔好等等。

無心一句「佢哋比我哋蠢」，可以話係歧視嘅種子，不過Dr. Rebecca Bigler指出父母應該做嘅並唔係叫小朋友收聲、唔好再講，因為咁只會令佢覺得「呢啲說話係唔俾講」，但心入面嘅諗法無變過。家長反而可以把握呢個機會，及早將「族群」嘅概念講清楚明白，並且用小朋友聽得明嘅語言解釋俾佢聽，即使外貌特徵不同，都不代表誰比誰好誰比誰差，「人人生而平等」。