另一半和仔女 VS 朋友，和哪方相處才是你的快樂泉源？

問下大家，另一半同仔女 VS 朋友，哪個才是你的快樂泉源？

有些人可能會二話不說：當然是家人；但停一停諗一諗，同姊妹們行街，同死黨睇波，有時仲開心……呢個時候，你可能會識趣咁話，係兩種唔同嘅快樂喎～

美國 Southern Methodist University 嘅一個研究，訪問超過 400 名研究對象後發現，原來大家普遍都係同朋友相處時更開心，和另一半相處時嘅幸福感就最低！

莫非研究對象都有家庭或婚姻問題？非也～聽埋負責呢個研究嘅心理學教授 Nathan Hudson 點講先～

Hudson 指出，原來「對手」唔重要，更重要嘅係「做緊咩」！

的確，太太同姊妹們行街，老公同死黨睇波，好難唔開心，而當我哋返到屋企對住另一半同孩子，無可奈何要做好多雜務，照顧對方……

後生嗰陣覺得做咩無所謂，最重要係同邊個一齊做，原來呢個諗法唔 Work 架啦～

Hudson 嘅研究無石破天驚嘅發現，但就係一個好好嘅提醒，當我哋同家人嘅關係只剩家務雜事同湊仔，都唔會快樂……希望大家喺營營役役嘅生活之中，唔好忘記同屋企人一齊做啲會讓大家都開心嘅活動，創造幸福嘅回憶～！