從愛人到父母（1）：夫妻育兒壓力下如何維繫婚姻

大家可能都聽過呢個人生建議：「唔好同朋友、伴侶合作做生意，因為工作同個人感情混為一談，好難拿捏平衡」。偏偏當你同另一半一齊升Level成為父母，就必需協作，成為育兒呢項非人任務嘅「合作伙伴」。

新角色下的夫妻育兒挑戰

好多夫妻生咗小朋友之後，都會選擇（或者無可奈何地）將浪漫同愛情暫時放埋一邊，以優先考慮「父母」的新角色。然而，這種做法長期下來可能導致關係出現暗湧，一些看似微不足道的小問題，在育兒壓力下變得更加嚴重。

今日參考一篇國外的報導，同大家一齊睇下在家庭或婚姻治療中常見的伴侶溝通課題，唔知會唔會都令大家有所共鳴～？

1. 家務分工不均的挑戰

如果你喺小朋友出世前，已經唔太滿意家務分工，那麼孩子的加入可能會使這個問題更加惡化，但其實即使你和伴侶在成為父母之前已經好好咁分配咗家務，隨著責任增加，這種平衡也會受到考驗。

難怪對唔少香港雙職家庭嚟講，家傭、長老嘅幫助不可多得。就連婚姻與家庭治療師Laci James都建議父母——特別係新手父母——喺有需要時要借助外力，協助基本需求，以及打掃、照顧寵物、購買雜貨等，作為支援。搵人幫手並不可恥。

2. 親密關係的疏離風險

喺華人社會大家可能難以宣之於口，但其實唔少夫妻成為父母之後，性生活會有巨大轉變，而呢個親密關係嘅缺失長久下來，會損害夫妻間嘅親密感，為二人關係帶嚟挑戰。

至於點解呢個情況會咁常見？一方面又係因為育兒的工作量大得驚人，根本無時間、空間、精力再去談情，婚姻與家庭治療師James指出當父或母一方整天對著需求殷切的孩子，長期被抱，一天過後，就會失去追求身體親密感的慾望。另一方面，好多新手父母在孩子出生後開始，就展開「全家一齊瞓」嘅生活，或者媽媽同子女同房，爸爸獨自睡，並以年計，夫妻二人鮮有獨處時光。

所以，若想要在孩子出生打後的日子保持夫妻間的親密感，「刻意安排」可以說是必需的。當然，親密關係不單單只是性生活，也包含心靈上的連結，感受到互相的關懷和愛惜，所以無論是何種形式，最重要是夫妻二人都能在那個刻意安排的時光，尋找到親密的連結，滋養彼此的關係。

3. 教養風格的分歧

我們常言父母應該是教養上的「最佳拍擋」。當父母能夠同一陣線，很多教養難題處理起來，都會事半功倍。可惜的是，我們每個人對自己希望成為哪種父母都有自己的想法，夫妻的願景不見得必然是一致的。

不止國外的例子，就算是我們接收到的求助，也有不少是關於父母各有不同的教養觀，引起了二人磨擦。這點需要雙方都努力磨合，嘗試認清自己的教養觀點從何而來，包括原生家庭的影響，從而增加彈性。

4. 適應新角色的心理挑戰

這一點相對無形，很多人未必能清楚表達當中帶來的壓力。

編輯想起了韓劇《產後調理院》中的經典對白：「懷孕生產就是這樣，人們都嚷嚷著那是美好開心的過程。然而，經歷過的女人在過程中並不全是開心，懷孕很疲憊、生產過程很慘忍，恢復的過程……就是難堪。」新角色的經驗和我們的想像跟預期很可能有著巨大的落差。

適應需要時間，父母要在當中找到自己新的角色，新的位置。

係咪睇到呢度已經勾起咗你哋唔少成為父母的辛酸？仲未完㗎…尚有3點下集再同大家分享，也會談談一些專業人士的建議～陪大家一齊走過這段父母的試煉～

圖片來源：Pexels