研究：同爸爸玩遊戲，原來有限期！？

唔知大家覺唔覺，爸爸同孩子嘅親密感好似來得無咁易？如果硬要搵個原因，一定係男人唔識表達，或者從細就唔願意同小朋友玩啦，但編輯阿E我認識嘅一位爸爸話佢其實好想同 BB 玩，只係……

初生 BB 軟綿綿，感覺好脆弱，朋友話佢做新手爸爸嗰陣，一同 BB 有 physical interaction 都會戰戰兢兢，好想同 BB 玩多啲，建立感情，但又知BB 未 ready，要眠乾睡濕又未夠細心，於是只能小心翼翼，從旁協助太太，「聽候差遣」。

聽完佢講真係覺得要為天下間嘅爸爸們平反吓，所以搵咗篇研究同大家分享～

呢篇綜合咗 78 篇兒童心理及教育相關文獻嘅研究指出，爸爸與孩子的玩樂時間會隨著孩子長大而改變。通常，爸爸與孩子的玩樂時間會隨著孩子由 9 個月大到 4 歲時逐漸增加！

研究結果非常切合阿E朋友的說法！9 個月大正正就係 BB 開始有識行識企嘅時候，爸爸們就更加放心同 BB 玩，而且孩子 3-7 歲時與爸爸的玩樂時間仲會到達最高點添！

你可能會話，細B都識得玩架喎，咪搵藉口！

事實上，這份研究比較過爸爸媽媽同嬰孩的遊戲元素，發現爸爸與孩子的遊戲主要包含動態的元素，如摔角、翻滾、追逐與搔癢等等的遊戲，媽媽則較少會與孩子一起玩這種類型的遊戲。

所以在嬰孩還小，仲未能夠承受一啲風險遊戲嘅時候，爸爸參與度低啲啲，係可以理解；而當孩子漸漸長大，慢慢愛上刺激性較高的遊戲時，爸爸的參與度就會漸漸提升！

不過，咁爸爸同孩子唔係應該會越來越親密咩？

有少少 Sad 嘅係……研究同時發現，孩子在 8-13 歲時，與爸爸的玩樂時間又會慢慢減少。

這也許是因為所謂刺激的兒時遊戲不再刺激了，又或者隨著成長孩子嘅需要不同了。不過呢篇研究無講原因，等阿E我搵到其他研究再同大家分享！