以為讀書發夢問題大？　研究：原來只係腦袋轉數十分快！

學生上堂嘅時候發白日夢，實會俾老師話；小朋友成日遊魂，家長都會叫佢唔好咁心散，要專心啲。但發夢真係因為專心唔到？實情分分鐘係調返轉！

美國佐治亞理工學院心理學教授Dr. Eric Schumacher透過磁力共振，觀察到發白日夢愈多嘅人，有更高嘅智力同創造力，腦部容量更大、效率亦更高！

Dr. Schumacher解釋，聰明嘅小朋友只需要一分鐘，就學識咗其他同學仔用五分鐘先學得識嘅嘢，佢個腦又不停運作，咁喺其餘嗰四分鐘，唔發白日夢仲可以做啲咩？

所以，發白日夢與否唔係重點，更重要嘅係觀察小朋友學唔學到嘢！