明明小朋友好似好留心做緊一件事，大人喺另一邊傾緊計，佢無啦啦又可以插到嘴？重要嘢佢唔記得，偏偏記住一大推無謂嘢？叫佢串字，佢幾分鐘就開始睇下支筆、搞下個書包、畫下張書枱？
父母心諗：大件事！佢會唔會係專注力不足，但研究話我哋知，事實可能笨唔係咁架！
孩子明明很不留心，也不是專注力不足？
美國俄亥俄州立大學做咗一個有趣嘅實驗，研究員將唔同嘅物件投影到一些相片上，再指示研究對象（即係69位平均5歲嘅小朋友同80位大人）記住相中的物件或背景，看看他們是否能在之後認出這些要記住的東西。
經過一輪影像轟炸之後，研究員發現大人同小朋友的專注力原來大不同。
無論是物件或背景，大人都能按研究指示記住。小朋友呢？即使研究員講到明要他們記住背景中的沙灘，而不是前面的樹，只要研究員換了沙灘上的樹做車，他們就認不出背景的沙灘原來是跟之前的背景一樣。
為何孩子的腦袋和我們不一樣？很奇怪！
一啲都唔怪！
另一個美國心理學研究團隊都有類似發現。研究員要大人同小朋友辨認出圖案有無變，大人只會留意到指定圖案嘅改變，小朋友就會一眼關七咁留意埋嗰啲指定範圍外嘅圖形。
所以，如果只從大人角度去諗，我哋好容易就會以為唔留心指定事物就係專注力不足。但其實人嘅專注分好多種，而且需要時間發展。小朋友嘅大腦係始於 分散式專注（Divided Attention），然後漸漸再發展出選擇性專注（Selective Attention）。
即係孩童時期（約4歲左右），小孩還未學會把注意力聚焦在一件事上，亦不知如何選擇哪件事該放上專注。
小孩大多以分散投資的方式去吸收信息，哪管信息是否對自己有用處。隨著成長他們開始掌握過濾掉無關信息的能力，才能控制專注於什麼信息。
小朋友分散專注都有好處！
選擇性專注可以提高學習的效率，但同時令人不覺意放棄了自以為不重要的重要信息。反而分散式注意將注意力分散到多個維度的方式，對小孩學習其實都有好處，不會不知不覺間選擇性過濾了一些日常重要的信息。例如嬰孩在玩玩具時，也能用耳朵聽著你的說話，認知語言。
儘管這種方式會使學習速度減慢，卻能令小孩在學習時，從不同地方吸收到較多的元素，幫助小孩發展出進一步探索一些未知的可能。
所以，當你發現小朋友並沒有專注於你所指定的任務時。
別怪他。
佢只係分散式咁將專法力放咗係一啲你未必覺得重要嘅事物上，畀啲時間佢，喺佢嘅發展里程中，這種學習模式對佢哋都好重要㗎！
資料來源
- Plebanek, Daniel J, & Sloutsky, Vladimir M. (2017). Costs of Selective Attention: When Children Notice What Adults Miss. Psychological Science, 28(6), 723-732.
- Kevin P. Darby, Sophia W. Deng, Dirk B. Walther, Vladimir M. Sloutsky. The Development of Attention to Objects and Scenes: From Object‐Biased to Unbiased. Child Development, 2020; DOI: 10.1111/cdev.13469
- Ohio State University. (2020, November 30). Preschool children can’t see the mountains for the cat: Study shows kids focus on objects more than scenes. Retrieved from ScienceDaily.
