研究講感情：壞習慣是夫妻關係的助燃劑？

好多人都話想一段感情關係行得遠，有共同嗜好好重要，而且最好係健康有益嘅嗜好啦，可以一起成長一起互相成長嘛～但原來壞習慣一齊做，都可以對關係有好嘅影響，鞏固到一段夫妻或情侶關係。

夫妻三種不良行為與夫妻感情

蘇黎世大學今年年初發表了一個十分有趣嘅研究，研究觀察了夫妻三種不良行為與夫妻關係嘅數據。

第一項數據中，研究發現煙民夫妻如果之前一日有一齊食煙，之後嗰日佢哋會感到關係親密咗，對關係滿意度都會高啲。（臭味相投原來是真的？）

第二項數據中，研究觀察了痴肥夫妻在四星期之中的運動程度，發現唔運動坐係度唔郁嘅夫妻，他們關係的親密度及滿意度竟然高過有較多運動的夫妻。（一個躺平不如一齊躺平？）

第三項數據中，有中風病史的夫妻一齊食咗高脂高糖食物似乎就同夫妻關係嘅親密度及滿意度沒有關係。

壞習慣是夫妻感情的助燃劑？

研究團隊總括指出，某些共同的壞習慣，似乎可以在短期內促進親近感和滿意度，所以，壞習慣雖然係「壞」，但原來一齊做壞事嘅快感，都可以係一段夫妻關係的助燃劑。

唔知你同伴侶間，又有無啲曳曳嘅習慣一齊做完會感覺親密咗！？

分享呢個研究，有幾個頭盔要戴定嘅：

1. POPA同科豆都唔係叫大家為咗夫妻關係要養成壞習慣，不過同時覺得一個人無可能完美，總有啲壞習慣嘅；
2. 個研究只睇到共同嘅壞習慣有可能有short term嘅好處，long term會係點，who knows？
3. 個研究講嘅壞習慣唔係窮凶極惡、影響他人嘅行為，而係唔做運動、食多啲零食呢啲相對只會影響自己嘅小事～