「媽咪！有人摸我！」女兒帶着極度認真的態度向我走近。
我揹着小女兒一時間沒聽清楚，目光轉向和她一同快步走近的爸爸，問：「咩事？！」
爸爸轉述他們正在遊樂場中央玩捉迷藏，女兒突然說：「唔玩住，我有野同你講，頭先有個小朋友摸我pat pat！」
「會唔會係唔小心撞到？」我下意識脱口而出，但爸爸站在遊戲架的下方，看不到事發經過。
「唔係，佢摸完之後笑住講『pat pat』！」孩子眼神堅定無比。
別叫孩子成為無知的加害者
該死的！我竟然情急得問了那個蠢問題。
「佢點嘅樣，着咩衫？」爸爸冷靜地問。
「佢着住白色底衫。」女兒驚魂未定，想了想才答。
「好！我地去搵番佢出黎！」於是我們就在人來人往的公園搜索，白色底衫白色底衫白色底衫……我的心跳得很厲害，我知道自己在恐懼甚麼，中學時在西洋菜街的男人身影閃過，他轉身就走我來不及反應也捉不住他。
「是他嗎？」
「是他嗎？」
場內太多白色底衫男孩留着汗在追追逐逐，我們逐個逐個認。
離我們很遠有兩個大約五、六歲的男孩在跑，女兒認出，是他了。我跑上前探問：「你地頭先係咪有同我個女玩？」
「無呀。」其中一個不知情者答。另一個望着我，「都唔係同佢玩……」卻又尷尬地笑了笑，我加重了語氣：「你頭先係咪摸左佢一下？」
他不敢正眼看我，只略略點頭。
「你知唔知咁樣摸女仔係唔啱！好唔尊重佢！你媽咪係邊度？」我近乎一口氣地說。
「我知呀！我帶妳搵佢媽咪。」不知情的小男孩帶了我們去。我直接找了他的媽媽平和地交代事情始末，她連聲向我們道歉。「希望妳畀佢知道咁樣做唔好。」直至我們離開前，那男生由始至終只是躲避着。
「妳真的很勇敢！媽媽小時候因為太害怕，不夠膽說出來。」我說。也不記得自己是甚麼時候開始和女兒說起性的話題，反正就是她問起，我就坦坦白白地答我所知道的，不清楚的就一起找答案。
「要講出黎呀！咁樣係唔啱！」女兒自信滿滿地說。
圖：阮絡伶
