「我想爹哋做我男朋友。」七歲嘅小女孩講出咁嘅一句話，爸爸甜到漏。而事實上，唔止男朋友，喺小小孩子的心靈裡，父母就是他們的一切。
我們是司機，管接管送。
我們是廚師，包埋伙食。
我們都可以是牛魔王，畀佢騎着周圍走。
我們可以是玩伴、老師、輔導員、未來老公人選等等等等⋯
父母的七十二變
是咁的，聽完黎明嘅七十二變，都知七十二變係點都唔足夠形容，我哋作為父母喺小朋友心中嘅不同角色；七十二變是少看了我們吧！
要喺唔同時間扮演唔同角色，光速切換身份，其實唔容易，有時仲會覺得幾攰。但隨著小孩長大，父母變老，這些眾多不同的角色，會一個一個逐漸的凋零。我知道，我真的知道，因為「牛魔王」這個角色，早已被她打入了冷宮，再無被召喚。
10年後，我可能已由主角淪為大配角
今天作為他的司機，車嚟車去可能好辛苦，10年後車佢嗰個就不一定會再係你啦，可能已經有人會載佢車出車入，你要爭取成為佢嘅臨時司機，都不一定獲批准。
今天作為一個廚師，日日諗煮咩啱佢食，唔容易呀！10年後，可能佢已經唔會成日都出現喺你嘅餐桌，甚至只會在大時大節先會同你一齊食晚飯。
今日可能你可以做佢嘅導遊，帶佢周圍去玩。10年後？佢都唔知仲想唔想同你一齊出街，更莫講去旅行了。你想玩嘅佢可能會嫌老氣，佢玩嘅對老咗嘅你又可能太刺激。
珍惜孩子還需要父母的時光
上一代成日都話要捱到啲仔女大。攰嗰陣，我承認我都會有呢個感覺，期望有時間可以抖抖。但作為一個專業嘅演員（父母），我仍然期待每一次被子女召喚，不管是以演出過的角色，或是一個新的角色，我都會好好演下去。
我知道時間過得很快，也會怕終有一天發現，視我為一切嘅女兒，到了某一天已經有一個我走不進去嘅世界……
當只剩下父親這個角色時，我亦知道我必會懷念曾經每天在女兒面前作「七十二變」的那一個我。
圖片來源：《七十二變》MV擷圖、Pexels
⭐自家廣告⭐
若想收到POPA最新活動詳情，可按此加入POPA活動發佈Whatsapp群組
