「近朱者赤，近墨者黑」，仔女交朋友都要父母先點頭？

「近朱者赤，近墨者黑」細個成日聽上一輩用呢句說話，叫我哋交朋友要小心。朋友，的確喺人生佔據咗一個好重要嘅位置，所以都不難去理解父母會希望子女認識到一啲比較「好」嘅朋友，先唔好討論「好」係點樣去分界，就當父母所定義嘅「好」係正確，父母又係咪應該干預子女結識甚麼朋友呢？

「近墨者黑」大概是天下父母最擔心的事

前兩年，我對大女的其中一個同學印象深刻，佢不時都會發脾氣，已經不算常常見面，但也有「她的脾氣頗大」嘅感覺。當時我都會擔心女兒會唔會到受影響，亦會同佢了解那位同學嘅個性，及分享下自己同佢發脾氣嘅瞬間係乜原因及點應對，但心底裏都會有一點點唔想女兒跟他走得太緊，怕她不自覺地學習了他的壞脾氣。

干預子女交朋友會適得其反？

不過最近畀我睇到Florida Atlantic University針對中學生的一個新研究，研究結果指，因為唔想子女學壞而禁止子女同某一啲朋友交往，可能會適得其反，不但不能改善子女的行為問題，反而會令其惡化。

研究發現，當子女被迫突然疏遠某一些朋友時，與其他朋友嘅關係都有可能因此受影響，例如朋友們未必能理解點解佢突然間對某一位朋友咁冷淡，或者不明白為什麼佢要聽父母的話而疏遠一個朋友，嚴重更可能導致佢反被同儕排擠。

應將焦點放在壞行為而非壞朋友

研究作者之一的心理學教授 Brett Laursen博士指出，家長應該考慮採取積極的方案來代替禁止孩子與某些朋友交往，例如父母可以專注於與孩子保持積極的關係，營造出一個安全的家庭環境，與孩子討論「壞行為」的問題而非「壞朋友」的問題，培養孩子分辨甚麼行為應當避免，而不只是甚麼人應該避免。

「近朱者赤 近墨者黑」看似金石良言，但當我回想自己是如何識朋友，好多時自己係咩性格，就會和差不多性格的人玩在一起。而且，年少的我根本不認為父母能比自己更了解自己的朋友，父母看到的只是很片面，自己與朋友相處，才能看到他的全面，朋友是好是壞根本不想父母作出批判。

所以我想，作為父母與其干涉孩子與什麼人交朋友，倒不如多花一點時間教會他良好品格，他自然就會吸引性格差不多的朋友。而且，到小孩長大到某一個年紀，父母也要學會放手，相信他有能力選擇適合自己的朋友吧！

圖片來源：Pexels