好多家長都怕悶親小朋友，於是用各種活動塞滿孩子嘅時間表，甚至俾埋電子奶嘴嚟娛樂佢。
不過，你仲記唔記得，自己細個嘅時候，就算唔去興趣班、無iPad喺手，都唔會覺得悶？其實小朋友有能力發掘各式各樣嘅解悶方法，只要俾時間同空間佢哋，就會創意大爆發～你以前又玩過邊啲創意遊戲？
悶到結冰……踢踢拖鞋，睇下邊個最遠！
得一堆橡筋……都可以跳大繩！（但係首先…你最少要有三個人！）
悶到烏鴉飛過……但被鋪一翻～男嘅變身「棉被超人」，女嘅化身「香港小姐」～
上課時遊魂，文具變身機械人！
悶到生菇，唔通真係要玩手指？其實只用雙手都有好多玩意，小明小小明，你一定玩過～
