研究：生完孩子，姻親糾紛多，只因當你「自己人」！？

一般人都會覺得婆媳關係非常「微妙」，其實除左老爺奶奶同新抱，女婿同外父外母亦有機會深藏「暗湧」…反正姻親／親家就係個非常具爭議嘅課題。但原來呢個情況並非華人社會獨有！

芬蘭人口研究所及圖爾庫大學整合咗1200個受訪者嘅數據，發現未生小朋友嘅人，整體同自己父母嘅衝突會多過同另一半嘅父母。但係，有小朋友嘅夫妻比起無仔女嘅伴侶，同老爺奶奶嘅衝突次數就會頻密啲，最顯著嘅係婆媳關係呢個板塊，而起因通常都同照顧個孫有關。

研究員解釋咁係因為小朋友出世後，姻親就會當對方「自己人」咁看待，部份人會更直接咁發表意見，唔再避忌，於是有機會促成更多糾紛，呢種就叫「kinship penalty」。但係世事無絕對，亦有部份人會因為「自己人」呢個感覺，令雙方更親密、更願意互相幫助，稱為「kinship premium」。

也許，婆媳姻親之間係penalty定premium，在乎雙方願唔願意體諒對方～