用說話向孩子傳遞愛

「親子之間的對話，若能讓孩子感受到愛，感受到自己的價值，對話就有了豐沛的能量，孩子容易擁有豐富生命力。」

今日係我哋2025年的第一個Post，想同大家分享充滿愛的一句摘言。

喺日常生活入面，我哋成日會同小朋友講：「起身啦！」「快啲啦！X100000」「做晒功課未！？」「捨得沖涼未？」「你點會咁唔小心！？」

讓孩子感到被愛

呢啲說話唔係唔講得，畢竟我哋每日都有好多日程要趕。只不過，我哋同時可以試下多啲了解小朋友嘅內心，而唔係只關注佢哋有無做晒啲「應該做嘅事」。例如問佢做晒功課未之前，可以先問下佢今日心情如何。更重要嘅將愛講出口，畀小朋友知道自己係被愛嘅，知道佢哋係珍貴、有價值嘅。

5句傳遞愛的說話

我哋可以好直接話畀佢知：
「我返工嗰陣都好掛住你」
「我好鍾意同你一齊」
「我好珍惜你」
「你嘅出世令我好幸福呀」
「我愛你」——「無論如何，我都愛你」

趁新一年，就等我哋訂呢個小小嘅目標，多啲同小朋友講傳遞到愛嘅說話，讓佢哋每日都感受到你嘅關心同愛意～ ❤️

*摘言嚟自《家庭裡的對話練習》