阿翠
POPA i'm
134 views

【POPA i'm】#6 - 阿翠

Nov 02, 2015

翠(Presentation Manager (Banking),育有一對2歲孖女)

潮流興全職媽媽,但阿翠卻持相反嘅睇法:首先,阿翠覺得返工令佢唔會同社會脫節;另外,工作時同人相處合作去解決問題等經驗,亦有助佢處理家事上有所啟發。而且,工作除左俾到佢滿足感,自我肯定等正面情緒外,令可當作她在家庭瑣事中有所抽離,亦間接令佢在工餘時更加珍惜與一對孖女相處嘅時間。「對我嚟講,反而24小時對住,個關係未必有依家咁好。」

但作為在職媽媽,阿翠當然亦有難處:「最大嘅難處係要接受家人湊小朋友嘅方法,教育方式等等。」由於阿翠老公係消防員,所以阿翠返緊工嘅時候,好多時孖女都由老公照顧。「可能爸爸湊嘅方法都係輕鬆啲,所以開頭都會因為大家嘅方法,有啲爭拗。」為人母親固然緊張,當中要學會拿捏嘅困難,更係阿翠婚前從未遇過。「不過後尾發現,老公好多時係其他方面仲比我更加細心,所以慢慢開始磨合到。」

另外,同時湊兩個對阿翠嚟講亦係一大難題。「好多時當爸爸返咗工時,佢哋好似要撕開我咁,一個要我去呢邊,另一個又有去嗰邊。成日爭風呷醋,點樣調停都係依家最大嘅課題。」不過阿翠覺得,兩姐妹有個伴,對佢地黎講係有好多好處:「喺成長路途上,兩姐妹可以有傾有講有交流同互相陪伴,當中所得到嘅,唔係其他人俾得到或者比得上。」

阿翠希望帶到比一對小朋友嘅人生一個message:「佢哋只要對得住自己,開開心心,健康成長就夠了。」

yes