懷孕對母親身體嘅影響，從來都唔係生咗小朋友就停止，相信呢點好多媽媽都有切身感受。但你又知唔知道，懷孕其實會永久咁「改造」媽媽嘅大腦？
更神奇嘅係，每一次懷孕，大腦所經歷嘅轉變，竟係一套完全唔同嘅「升級劇本」。
第一胎的「大腦印記」
這個領域的權威學者 Elseline Hoekzema 及其團隊，早於 2017 年已在著名科學期刊 Nature Neuroscience 發表過一個指標性研究，首度證實懷孕會令媽媽的大腦結構出現實質變化。
女性在懷首胎時，大腦多個與社交認知相關的腦區，灰質體積會明顯減少。
「灰質減少」聽落好似係一種退化，但科學家嘅解釋及推論正好相反。佢哋認為呢個過程更像是「神經修剪」（synaptic pruning），即係大腦剪走多餘、用得少嘅神經連結，令剩低嗰啲迴路運作得更專注、更有效率，讓媽媽對 BB 的反應格外敏感，例如看懂孩子表情、聽懂哭聲，甚至半夜聽到 BB 的哭聲都會即刻醒。
第二胎的「實戰升級」
咁如果再懷第二胎，大腦會否只是「重複」同一套劇本？
著名科學期刊 Nature Communications 上，另一個更新嘅研究就追蹤了 110 名女性，包括準備迎接首胎的女性、正懷第二胎的女性，以及未懷孕的對照組，透過多次磁振造影（MRI）掃描比較她們大腦結構與功能網絡的變化。
結果發現，首胎對媽媽大腦負責自我反思、社交思考等功能造成的改變最為顯著。去到二胎，同一個大腦網絡雖然仍會變化，幅度卻明顯較小。取而代之的是，負責調節注意力與處理感官訊息的大腦網絡，喺二胎階段出現咗更明顯的改變。
研究人員推測，呢個轉變或許有助於母親更靈活咁應付同時照顧多名子女嘅複雜需求。換言之，大腦並非喺首胎後就「定型」，而係會針對每一次懷孕，做出屬於當下處境嘅獨特調整。
人類嘅大腦，母親嘅身體，真係潛藏著極大嘅奧妙
研究亦發現，媽媽大腦呢種轉變同母嬰情感連結強弱有關，而呢個關聯喺首胎嘅時候特別明顯。首胎時媽媽大腦所經歷嘅結構重組，對建立最初嘅母嬰依附特別關鍵。
到咗二胎，或者正因媽媽已經具備照顧經驗，大腦嘅調整重心亦隨之轉移到注意力分配呢類「實戰技能」上面。
研究的意義：協助了解產後抑鬱與腦部變化
值得留意嘅係，這些研究的解釋並非研究直接驗證嘅因果結論，反而係科學家根據大腦網絡功能所作出嘅合理推測。呢項研究仲有一個非常關鍵嘅發現，就係懷孕期間嘅大腦皮質變化，與「圍產期抑鬱症」（Peripartum Depression）有顯著關聯，而且一胎同二胎媽媽出現症狀關聯嘅時間點完全唔同
首胎媽媽嘅腦部變化與抑鬱症狀嘅關聯，在產後較為明顯，而二胎媽媽嘅關聯，則喺懷孕期間就已經浮現。二胎媽媽喺懷孕期間，一方面要適應身體與大腦嘅巨大劇變，另一方面仲要照顧緊大仔/大女。好多時我哋都會有種誤解，以為媽媽生過一個有經驗，就以為第二胎一定係輕鬆自在，忽略咗第二次懷孕的媽媽所需要嘅關心與照顧！
科學話畀我哋知，每一次懷孕，媽媽嘅大腦都在經歷一場翻天覆地嘅重組。對於第二次懷孕嘅媽媽，我哋亦應該給予佢哋足夠嘅關心、理解與實質幫手！
參考資料
- Straathof, M., Halmans, S., Pouwels, P. J. W., Crone, E. A., & Hoekzema, E. (2026, Feb 19). The effects of a second pregnancy on women’s brain structure and function. Nature Communications, 17(1), 1495.
- Hoekzema, E., Barba-Müller, E., Pozzobon, C., et al. (2017). Pregnancy leads to long-lasting changes in human brain structure. Nature Neuroscience, 20(2), 287–296.
- Barba-Müller, E., Craddock, S., Carmona, S., & Hoekzema, E. (2019). Brain plasticity in pregnancy and the postpartum period: links to maternal caregiving and mental health. Archives of Women’s Mental Health, 22(2), 289–299.
圖片來源：Pexels
⭐自家廣告⭐
🔹POPA家長支援服務🔹
我們的團隊來自不同界別，分享共同理念：關顧孩子成長，陪伴家長同行，期望以自身專業，為家長及孩子提供適切支援，包括教養諮詢｜家庭治療｜兒童為本遊戲治療｜個人輔導｜伴侶／婚姻輔導等，如你也希望有人同行，聆聽你現在的困難，可按這裡了解詳情。
