黃雨，醫院門外站着人龍等候的士。
「媽媽，我們回家了嗎？妳見到BB有頭髮嗎？」女兒因不到12歲不能進去看朋友的初生兒，帶點失落地問。
我滑手機讓她看寶寶的一頭黑髮，留意到人龍之中一位面色蒼白的婆婆彎住腰，吃力地扶住了圍欄。
她身邊一個人也沒有。
「媽媽，BB叫咩名呀？我係咪可以去佢屋企探佢？」女兒浸醉在自己的世界中。
「嘩！！！！！」「搞咩呀！？」「咁搞法呀你！」
身後傳來一股躁動，我們轉身。發現剛才的婆婆吐了一地，嘔吐物濺到其他人的腳邊。有的抹腳有的彈開有的退後。
我下意識護住女兒跟住人群向前走。
婆婆仍嘔吐不斷。抹腳的繼續抹退後掩鼻的繼續退。而身旁的女兒一直看着，也開始跟着掩鼻。那刻，我看不清女兒面露甚麼表情，但我知道她是站在人群中唯一一個孩子，而且正看着我們每．一．個．人。
「唔該！！你地會唔會有嘔吐袋？有人嘔緊呀！」我用全場也聽到的聲波，對住正指揮交通的職員喊。
「阿婆，你番去急症室先？」職員上前探問。
「唔番，你幫我叫啲人比我搭車先。」婆婆一直嘔，一直堅持，身邊開始有人送上纸巾及膠袋。
「阿婆，唔係我唔比妳，公平原則呀！比得妳，其他人都未必肯。」說罷，轉身就走。
一輪擾攘後，的士的人龍依舊，雨下得更密，婆婆依然扶住那條唯一的欄杆緩慢向前。
「媽媽……」我等不住女兒的發問，轉向身邊每個人。
「Would you mind to let her take the taxi first?」
「你介唔介意比佢上車先？」
有了孩子，讓我想成為更好的自己
好了，處理好我身旁的幾個人，接下來是站在我前面的大叔，他推住坐輪椅的妻子，「唔係我無同理心，依度嗰嗰都有病等車……」他一直沒正眼看我，婆婆這時正向前站到他的身後。
我鼓起了大媽勇氣：「依度有人唔舒服，可唔可以讓佢上車先！？」對住一條超過20人的人龍喊。
婆婆
順利
上車。
「媽媽，妳唔驚咩？」驚呀。
「媽媽，妳點解會識咁樣做？係咪因為妳讀書？」
「媽咪，我未見過咁樣嘅妳。」
係因為孩子，妳正在看我們每一個人。
有了妳以後，我更想做一個更好的自己。
