在變得更好之前，先去承認我們都夠好

重組句子小朋友就做得多，唔知咁多位爸爸媽媽，又會點樣重組這句句子：
都／像你一樣／沒有／，／誰／用／能／跟人家比／不／什麼／。

記得做完先好睇下文呀～

唔知你砌到嘅句子係「誰像你一樣沒有用，什麼都不能跟人家比」，
還是「沒有誰能像你一樣，不用什麼都跟人家比」？

語言的力量

前陣子，喺IG睇到一段Reels，幾位小朋友喺台上拎住呢幾隻字，調了位置，就將一句本來負面嘅說話，變成了另一句肯定孩子的說話，叫人深深感受到語言的威力。

有人話，所以做人父母唔多唔少都要識啲「語言藝術」，但說話雖然技巧重要，語言有時亦反映住我哋嘅內心世界同觀點信念。我哋到底有無打從心底相信孩子是誰都不能比？還是有時也禁不住拿他跟別人比較？

你的句子又是什麼？

分享下我哋有位同事嘅答案：「什麼都跟人家比，誰像你一樣沒有能用。」就非常符合人設～😆

歡迎大家又分享下你哋砌到嘅係咩句子？

像你一樣／沒有／，／誰／跟人家比／用／能／不／什麼／都／。

為什麼總是無法承認我們都夠好？

早幾日和幾位家長聊天時，談到這一代父母都知道要多「讚賞」孩子，然而我們心底最記掛的，仍然是「孩子可以改善的地方」——因為咁先會進步嘛。

唔知點解我哋總係唔太有勇氣去「覺得自己夠好」，會將之視為「自滿」、「自負」，於是彷彿一定要有少少打擊，畀個空間小朋友去進步。但係我哋又有無諗過，「夠好」同「變得更好」可以無衝突。

諗下身邊一啲我哋覺得佢已經做得好好嘅人，佢哋都一樣會繼續進步。小朋友亦都一樣，即係佢哋已經夠好，嚟緊仍然可以更好。

圖片來源：Pexels