唔少人講起正向教養，都會有種印象：那是6歲前要做的事，黃金時期，打好基礎最重要嘛。的確，0至6歲可以話係孩子成長一個重要階段，但咁唔代表孩子一路成長，就唔再需要父母嘅關愛。
孩子都升中了，還要攬攬錫錫來表達愛嗎？
當然，父母又點會係專登唔關愛小朋友，但有研究指出「隨著孩子成長，爸爸媽媽在言語和身體上給予孩子的關愛明顯減少。孩子五年級時，有54%的媽媽每天對孩子說『我愛你』，但到了孩子初中時，只有35%的媽媽仍然在這麼做」，而爸爸們的數字則是由44%降到36%。
研究亦指，本身有68%的媽媽會用擁抱、親吻、拍肩等肢體接觸來向五年級的孩子展示關愛，但到孩子初中時，降到了44%；爸爸們的數字則是由50%降到26%。
無論多大，孩子仍然渴求父母的愛
諗返我哋自己，細個嗰陣都想拖住父母撒下嬌，大個少咗咁做好似係好自然事。但即使係少咗攬攬錫錫，相信大家問心都仍然希望佢哋以你為榮，又或者想得到父母肯定——孩子對父母關愛嘅需要，其實並不會因為年紀增長而減少。
有心唔怕遲，關愛孩子亦然
調返轉，有某啲家庭接觸正向教養比較遲，會懊悔自己錯過咗「最佳時間」。但《6A的力量》入面有句話，大意係「正確的事係唔會遲」，無論孩子多大，呢刻嘅親子關係正經歷低谷也好，只要我哋做返正確的事，仍然會有轉機，可以重回正軌。
今日嘅摘言同分享，除咗想提提大家無論小朋友幾多歲，都唔好吝嗇展示你哋嘅關愛。無論你小朋友仲係喺0-6歲呢個黃金期，定係孩子已經進入咗青春期，同你多咗磨擦都好，我哋都可以重新調整好步伐，繼續走教養路。
參考資料
- McDowell, J., & Day, D. (2014). The Six A’s of Positive Parenting: Acceptance, Appreciation, Affection, Availability, Authority, Accountability.
圖片來源：Pexels
⭐自家廣告⭐
若想收到POPA最新活動詳情，可按此加入POPA活動發佈Whatsapp群組
