成日聽有家長話孩子好醒目，好識睇人眉頭眼額。其實觀察他人表情，確係小朋友學習情緒嘅途徑之一。不過，疫情之下，大家戴上口罩、遮擋了表情後，孩子仍然能夠分辨情緒嗎？情緒發展又會唔會受影響？
配對情緒的小研究
威斯康辛大學麥迪遜分校的兒童情緒實驗室（UW-Madison’s Child Emotion Lab）的研究員Ashley Ruba進行研究，向81位7至13歲小朋友展示三種人臉圖片，一種無遮無擋、一種戴著口罩和一種是戴著太陽眼鏡。
但這些人臉上都有不同表情。研究員提供咗6個標籤畀小朋友，包括快樂、悲傷、憤怒、驚喜、恐懼和厭惡，要求佢哋為圖片上每張臉的表情，標籤返相應的情感。
結果，望住無任何嘢遮蓋嘅表情，小朋友嘅正確率有66%，但對住戴著口罩嘅圖片，佢哋識別出悲傷的正確率就只有28%，憤怒為27%，而恐懼則是18%。
遮住塊臉，會令孩子判斷情緒的正確率下降，咁莫非戴住口罩真係對小朋友學習情緒有好大影響？
正確率低咗，但未係最低
又唔駛太擔心住～因為研究顯示，孩子配對口罩下的情緒的正確率，仍然比隨便亂撞的正確率高，意味住佢哋依然可以從被遮擋的臉孔中，觀察到線索。
而且，如果望住幅平面圖片，小朋友仍然有機會估中情緒，咁回到現實面對真人，小朋友嘅表現表現可能更好。研究員指出，因為情緒並不僅是靠臉部傳遞，例如聲音變化、肢體語言以及事情脈絡，呢啲資訊都會幫到小朋友判斷他人情緒。
所以話，小朋友點止識睇人眉頭眼額，適應力仲好強𠻹！
資料來源：
Ruba, & Pollak, S. D. (2020).Children’s emotion inferences from masked faces: Implications for social interactions during COVID-19. PloS One, 15(12).
University of Wisconsin-Madison. (2020, December 23).Covering faces around kids won’t mask emotions. Retrieved from ScienceDaily.
圖片來源：Pexels
