「媽媽，我係咪喺你個肚度生出來架？」女兒問。
正在醫務所等見醫生時，阿女若有所思地看著一張介紹嬰兒成長過程的圖片，「媽媽，你講我知，呢幅圖畫講緊咩？」
我當然唔會放過呢個教育阿女嘅機會，立即娓娓道來地詳盡解釋（其實也是因為等見醫生時也無事可做）。我從BB只有一個月大講起，講他在媽媽肚子裡如何成長、有何動靜反應，講到BB出世為止。
此時，阿女突然來個快問快答環節，差點讓我招架不住。讀者們，準備好了嗎？level 1，開始！！
「媽媽，BB點樣先可以去到你個肚嗰度？」
「哦，首先爸爸要擺一粒種子去媽媽肚仔裡面囉！」
「媽媽，咁爸爸用咩擺粒種子去你肚仔呢？」
「哦……用爸爸條啫啫囉！」（我們家是用啫啫來形容的，你們呢？）
「媽媽媽媽，咁你點接住爸爸粒種子架？」
阿女打開了好奇之門，全速前進level2……
「哦，媽媽肚仔裡面有張床，會接住粒種子，種子會慢慢成長，變做BB……」
阿女認真地繼續思考，正當以為問題已告一段落時，Level3已悄悄地等緊我……
「媽媽媽媽媽媽，咁點解你要切開個肚拎我出來，咪好痛囉，我大個唔想生BB了，我怕痛。」
「……媽媽因為……身體唔夠強大，所以先要切開肚仔，其他人，好似姨姨咁，佢唔使切開肚仔！（我妹是順產的）」
「媽媽呀，咁姨姨用邊度生BB架？」
隔壁的大肚媽媽望向我，笑意正濃……
「哦，姨姨喺雞雞度生BB囉……」
阿女用一個匪夷所思的神情：「下，雞雞，用來Wee Wee架。」
我不得不更認真地：「女孩子的雞雞除了Wee Wee之外，也是用來生BB的，不過要好似媽媽咁大個先得，明白未？」
女兒似懂非懂地： 「哦，咁架！」
一直以來，都認為性教育是需要從小灌輸，總不能像舊一輩的說：「你咪石頭爆出來囉。唔好問啦，大個自然識。」久而久之，像是變成了禁忌話題，最終不說不說，後果得不償失。
女兒想了一會，走向爸爸身旁：「爸爸，咁你用邊度裝住粒種子架？」
看到另一半面色凝重地準備挑戰終極問題，我正想解圍時……
另一半說：「其實，你一直都住係爸爸的一個袋裡面，爸爸想你來做我女兒時，就會把種子從袋袋取出來，放在媽媽的肚子裡，然後，就會變成你這個小朋友了。」 一邊解答一邊騷癢女兒，兩個吱吱笑地走開了。
聽到如此精彩解說，實在考驗自己的忍笑功力。今個round ，你完勝！
