「爸爸，你好嚡呀……」囡囡伏喺編輯哈彼里爸爸背脊上笑說，像一隻樹熊。
「咩好嚡？」哈彼里爸爸問。
「你全身都好嚡，手㬹同膝頭哥好似石頭咁！媽媽滑過你好多囉～」囡囡用誇張手勢比劃。
「係咩……係咪因為咁所以你鍾意拖住攬住媽媽多啲？」哈彼里爸爸扮晒若無其事咁問。
「係呀！嘻嘻。」望住呀囡衝向太太嘅背影，哈彼里爸爸心裡有點不是味兒。佢伸手摸摸自己手臂，唉，天生乾燥敏感肌都無法子㗎……
***一個星期後***
呢日，哈彼里爸爸約咗朋友睇波吹水，坐坐下突然發現朋友Raymond目不轉睛望實佢——粗壯嘅手臂……
哈彼里爸爸為免尷尬，只好詐唔知，點知Raymond愈坐愈埋，跟住仲摸埋落嚟！哈彼里爸爸忍唔住：「喂，兄弟，你想點？」
Raymond略帶尷尬笑說：「無，我想摸下啫……」
「Ｘ！有乜好摸啫，男人老狗！」
「我想睇下你啲……皮膚……唉，我早兩日俾個女話我嚡烚烚，推開咗我……我記得你以前成日甩皮㗎，點解好似滑咗好多咁？」
「邊有呀？我啲皮膚不嬲都OK。喂，開波啦～」講完，哈彼里爸爸都有啲心虛，佢心底雖然好想同兄弟講聲”I know that feel, bro”，但佢始終唔想俾任何人知佢皮膚變滑嘅秘密——
當晚，哈彼里爸爸返到屋企，即刻就埋去抱起囡囡玩。兩父女一齊玩固然係個重點，但其實哈彼里爸爸心入面仲有啲嘢盤算緊……
「囡，你摸下爸爸手㬹同膝頭哥，仲似唔似石頭？」
「唔似喇！你仲滑過媽媽呀！你係滑捋捋人～」說畢，囡囡又好似隻樹熊咁攬住爸爸，而且仲攬得實過之前。
正當哈彼里爸爸滿心歡喜時，房間傳來老婆嘅聲音。
「囡，你係咪又玩媽媽支 Cream呀？用得咁快嘅？」
囡囡否認，老婆再問：「500g邊有可能用得咁快呀，輕咗咁多？嗱，你快啲認咗佢，媽媽唔會鬧你。」
「我真係無呀……」阿囡一臉委屈，急到眼淚就快流出嚟。
呢個時候，哈彼里爸爸爆出一句：「係我做嘅，唔關個囡事……」
老婆瞪大雙眼：「你？你不嬲都唔搽cream㗎？」
「我上網睇過喇，呢隻QV cream係澳洲品牌，經皮膚科專家測試，不含香料、色素等致敏成份，啱晒我呢啲長期又乾又痕嘅人，最近轉季特別難頂……」
老婆露出狐疑嘅眼神：「無啦啦咁留意自己啲皮膚做咩？講，係咪有嘢瞞住我！」
「無……呀……唉，係，因為阿囡嫌我嚡，仲話因為咁鍾意拖你多啲……所以我……」
哈彼里爸爸越講越細聲，老婆大人瞬間爆笑：「傻嘅，你就算變咗舊石頭阿囡都係咁鍾意你呢個爸爸㗎啦！」「阿女，係咪？」囡囡大力點頭仲衝咗去攬實哈彼里爸爸～
睇住呢個溫馨場面，哈彼里太太決定將心底話講出嚟：「其實，我一路無講咋，有時瞓喺你隔離，覺得你真係幾嚡。下次等我買1 KG裝，3個一齊用啦！」
🔶萬寧限時優惠：指定QV潤膚系列大降價，詳情請參閱店內推廣。
🔶QV超過10年澳洲第一醫學護膚品牌*，其潤膚膏專為乾燥敏感肌設計，含有天然皮脂成份角鯊烷等5種保濕成份，24小時長效保濕；不含香料、羊毛脂、色素和丙二醇等致敏成份，pH值均衡，低刺激配方。
*IQVIA, Ego Skincare, Australia Pharmacy Value & Unit Sales, sell in data MAT June 2021.
