BB笑聲療癒心靈　研究教你令孩子笑多啲

好多人見到BB咁可愛，都想氹下佢哋開心，不過有時熱臉會貼著個冷屁股。其實要BB笑得開心啲，除咗辛苦扮鬼臉之外，仲可以點﹖睇下研究點講啦～

外國一個研究發現，BB五至七個月大嘅時候，就已經識得分辨咩係「好笑」，如果父母同佢哋一齊笑，佢哋會笑得耐啲開懷啲；但假如佢笑緊時，見到父母「木口木面」、無嚟反應時，佢地就會認為﹕「咦！原來呢件事唔好笑架喎！咁我都係唔笑啦。」而隨住佢哋愈來愈大，受父母的反應影響就會愈深。

BB嘅笑聲，其實仲可以療癒埋大人嘅心靈！網站Channel Mum調查發現，所有受訪者都話小朋友嘅笑會令佢哋快樂，威力仲大過聽到「我愛你」或者同陽光玩遊戲。而且，十個英國人入面就有六個話，佢哋心情低落時，會去睇小朋友咯咯笑嘅短片嚟令自己開心返。