「嗚～～～」「啊！！！」
早幾日，編輯哈彼里爸爸聽到書房發出怪聲，於是一個箭步從客廳衝過去。打開門之後，竟然見到老婆對住部電腦發出怪獸般嘅咆哮聲。正當佢擔心緊老婆係咪因為畀疫情搞到傻咗之時，老婆指指個mon，原來係學緊配音技巧，諗住同囝囝講故事！
呢大半年小朋友喺屋企悶到發慌，見到香港公共圖書館嘅「共享‧喜閱新時代 – 喜閱密碼@LIBRARY」第二浪閱讀推廣活動，老婆一眼就睇中咗「喜閱親子Voice & Move工作坊」。到底呢個活動有咩咁吸引？
▋喜閱親子Voice & Move工作坊
「喜閱親子 Voice & Move 工作坊」教家長用聲線同身體語言講故事，提供一個有趣又好玩嘅親子活動，亦可以讓小朋友體驗到閱讀嘅樂趣！
工作坊共分為五集短片，以「吸引注意」、「情感演繹」、「角色演繹」、「身體語言」和「喜閱親子Voice & Move劇場」為主題，由聲演《蠟筆小新》媽媽美冴的專業配音員講解如何運用聲線及製造聲效說故事，又有「有骨戲」劇團導師分享以面部表情及身體語言演繹不同角色、動物，甚至物件！導師仲會喺工作坊演繹得獎故事，一邊學一邊聽故仔，好適合同小朋友一齊睇。
一連五集的短片即日起於公共圖書館 YouTube 頻道陸續發布。
▋「故事大使」網上為你講故事
如果大家聽得未夠喉，香港公共圖書館都有其他活動推介返畀咁多位家長架。
網上閱讀活動第二彈：「故事・起動」，公共圖書館精選《中文文學創作獎兒童圖畫故事組獲獎作品集》得奬作品製成故事動畫短片，由圖書館「故事大使」聲演。立即瀏覽公共圖書館YouTube頻道，就會有更多不同的故事慢慢聽。
▋15分鐘的約會
聽到呢度，哈彼里爸爸同老婆講，其實佢最苦惱嘅係點樣令囝囝從小培養出閱讀習慣。
有說21日就可以養成一個習慣，閱讀習慣一樣能夠輕鬆培養，只需要每天15分鐘就已經可以做到了。
公共圖書館與香港電台第五台合辦一個網站「15分鐘的約會」，以「每日閱讀15分鐘」為主題，向讀者推介不同的精選文章，包括消閒散文《快樂到極點 : 從北極到南極》、有趣閱讀《作者施了甚麼「魔法」，讓你記住了小說中的那個他／她》、親子共讀《繪本培養智慧小孩》等等多種題材，仲設有朗讀功能，邊聽邊睇，發掘更多閱讀的趣味。
由即日至2021年2月，登入活動網頁，睇夠15分鐘就可以獲得紀念品一份，齊齊養成每日閱讀的習慣啦～
