茶餐廳內，兩個火腩飯，一個戴住眼鏡和一個留著鬍子的中佬，一個金睛火眼碌手機，另一個終於忍唔住開聲：「喂！你約我出黎食飯，又喺度睇手機，有咩咁好睇呀！」鬍子爸爸一手搶咗眼鏡爸爸嘅手機，旋即畀返眼鏡爸爸。
「妖！食緊飯都仲喺度睇女～仲要係水著 ～睇少陣啦唔該你～」
「凍檸茶少冰——」阿姐瞄一瞄兩個中佬，大大力放低左杯餐飲。
「咪亂講，唔係女，係阿囡！同埋係一家人去沖繩嘅相！」眼鏡爸爸急著澄清，而阿姐已遠去忙住落單。
「我怕碌到下張係你老婆嘛。查實啲相有咩好望呢？好想去日本咩？」
「想架，但依家邊度都無得去啦，只可以留係屋企。」眼鏡爸爸終於放低手機，托托眼鏡，「我呢，其實同老婆嘈咗兩句，瞓咗兩日梳化。佢話依家要開始諗下儲錢畀阿囡讀書。但你知啦，我個囡好鬼潺，幾歲人仔就出入過幾次醫院，有次埋單仲要5位數字先出得院，我就想將筆錢畀佢買醫療保險……」
「咁呢鋪我撐阿嫂喎！SUUUUU——」鬍子爸爸大大力吸一啖凍檸茶少冰。
「縮腳——」阿姐又瞄一瞄兩個中佬，兩下功夫塊地立立令。
「依家讀書真係唔簡單架。計畀你聽，我個仔，大抽獎15志願迫住讀私校，一個月 $5000 學費、未計書簿、校車，仲有啲興趣班呢？有機會都想佢多個機會，去其他地方讀書，外國洗費仲襟計。所以一早就同老婆決定供個教育基金。」
「但你個仔好似你咁壯嘛！我個囡就好似我咁潺……佢上年年尾先出完玫瑰疹，年頭又傷風感冒左幾次，同我一齊入急症，老婆想佢驗呢樣驗嗰樣，check 清楚，加加埋埋，你估平得過你講嗰啲學費咩……」
「話想 check 又係老婆，話要儲錢畀佢讀書又係老婆，唉，我夠想可以一次過滿足晒佢兩個願望啦……」呢個 moment，眼鏡爸爸副眼鏡出現咗啲霧氣，無人知到底係因為佢呷咗一啖熱奶茶，定係……
「Why not both！？」就喺呢個時候一隻綠色嘅手…套拍咗落眼鏡爸爸個膊頭度，原來係啱啱洗完碗嘅阿姐。阿姐一個屁股坐咗喺兩位爸爸中間。聽到眼鏡爸爸面對一個天下間男人都可能遇過嘅兩難局面，佢終於忍唔住出手啦！！！
「我地餐廳有個套餐叫做『一雞兩味』，食過未？」兩位爸爸含住啖火腩飯，擰擰頭，心諗：聽落好似幾正，早知唔食佬飯。「咁你地肯定都未聽過，一份保險可以集醫保同儲蓄於一身啦！」兩位爸爸繼續擰擰頭。
「Cigna 信諾 之前 已經做過調查，知道你地呢啲香港父母一方面好關注兒童健康，同時有成 55% 父母喺子女滿1歲嗰陣已經開始為子女儲蓄。有一半人都好似你呢位鬍鬚佬咁，係為咗教育開支而儲錢，三分之一仲認為要成 10 至 14 年先至可以達到目標。就係知道你地點諗，人哋一早已經推出咗一啲可以『一箭雙鵰』嘅產品！」
呢個時候，鬍子爸爸繼續擰頭，諗起佢供緊嗰份基金，佢實在唔想聽落去啦；而眼鏡爸爸嘅眼前霧氣終於散開，望到充滿仙氣嘅茶餐廳阿姐。
「就講佢地個『信諾童 · 享健康保費回贈計劃 』吖，保障多達 16 種兒童危疾，包括癌症同心血管疾病，仲有年度兒童健康保障，涵蓋眼科、牙科檢查、防疫注射、身體檢查等，啱晒你呀眼鏡佬。仲有就係即使你曾就住院現金或兒童健康保障索償，亦可以喺保單期滿嗰陣拎到高達基本保障保費 118% 保單現金價值回贈，你可以揀保到小朋友 15 或 19 歲，到時送佢出國讀書時機啱啱好。係咪正先！？」
「呢個 Plan 唔啱唔緊要，佢地仲有兩個類似嘅周全保障計劃，一樣係可以儲錢，又有危疾或者醫療保障，分別係『信諾一零八RETURN健康全面保 』同『百份百保本危疾保 』，詳情就自己去呢度睇：https://www.cigna.com.hk/。」
眼鏡爸爸食埋最後一啖飯 ，心滿意足咁點點頭，準備飲埋杯奶茶，就上網攞個保費報價比較下，心諗：今晚返去終於唔洗瞓廳喇掛。
