你哋屋企用餐習慣係點？父母們會唔會因為工時長，未必經常夾到時間同孩子一齊食飯？唔好睇小一齊食飯嘅威力，其實透過一家人一齊用膳，孩子所獲得嘅長遠益處，比你所想的仲要多很多！
用餐習慣大搜查
加拿大蒙特利爾大學學者曾追蹤約1500名 1997 年至 1998年出世嘅孩子，由佢地5個月大開始觀察及定期隨訪，並根據該批孩子在6歲時嘅家庭用餐經驗，對照佢地10歲時嘅成長發展。研究發現，6歲時家庭聚餐質素較高嘅孩子，到10歲時一般健康水平較高、較少飲汽水；而且佢地嘅社交技能更好，較少有攻擊性、對抗性或不良行為。
為孩子營造良好的飯桌時光
研究人員指，家中飯桌是幼兒熟悉同有安全感嘅環境，食飯時父母會跟幼兒有最直接嘅社交互動，又會一齊討論日常生活同社會話題。這些都構成正面嘅親子體驗，對孩子的溝通能力有幫助，始終全家人一起食飯，有傾有講，既可以增進親子間的感情，更是培養用餐禮儀的最佳時機。因為爸媽是孩子的第一個導師，一言一行都是孩子模仿的目標，因此若父母希望子女不要邊吃飯邊看電視，爸媽就要營造一個用餐時間不開電視、讓孩子能專心食飯的環境。
研究結果亦顯示，一個家庭如果經常有優質嘅餐桌時光，除了意味家庭環境質素較高，對孩子身心發展都有很多益處，係幫助孩子健康成長的元素。例如吃飯前要洗手、吃飯時坐定定雙腳不翹起亦不敲打餐具、吃完飯才可以離開坐位等用餐禮儀，父母每次吃飯時都以身作則，或於孩子忘記時耳提面命，孩子自然漸漸潛移默化。
當然，上述所講嘅餐桌時光重點在於一家人嘅交流互動，如果同枱食飯時大家掛住用手機，應該就唔算數了～
資料來源
University of Montreal. (2017, December 14). Eating together as a family helps children feel better, physically and mentally: Long-term effects of family meals in early childhood. ScienceDaily.
圖片來源：Adobe、UNSPLASH