研究：小朋友嘈交，日本人教你袖手旁觀！？

有人以為女仔會斯文啲，只要你屋企有多過一個女，就會知道事實笨唔係咁……佢哋兩姊妹嘈交都已經可以好似一個墟咁一人一句，然後作為父親嘅我，頭都大埋。平時筆者要做和事佬，不過睇完一篇研究之後，我打算試下學日本人：袖手旁觀。

孩子嘈交，你會點做？

一個日本廣島大學嘅研究指出「見守る」是在日本早期教育中沒有明文規定但很常見的教育方式。「見」即係睇住，「守」即係守護著，因此見守る可以理解為「睇實，守護住，但不干預」。

研究話讓孩子們打架而不干預，都可以是一個可教育的時刻，當孩子體驗到疼的感覺，或出現「我不應該打人」的內疚感，往往係較有效的方法讓孩子明白打架並不能解決問題。

話雖如此，但如果小朋友打架打到頭破血流，咁大人係咪都要繼續睇住唔好干預？當然唔係，這正正為甚麼要有一個「守」字——守護孩子的安全。

「見守る」真正應用

要將「見守る」真正應用，研究提出了見守る的3大策略：

1️⃣ 當小孩們發生衝突，第一步是要觀察是否有孩子受傷害的風險，如打架等，然後可以作出即時短暫性的干預，例如先阻止他們打架。這一步不是用來幫他們解決問題，而係讓他們冷靜下來，並減少孩子互相傷害的風險。

2️⃣ 然後第二步是 step back，與孩子保持一段適當的距離然後作出觀察，讓孩子有機會用自己的方式解決問題。

3️⃣ 第三步是不再干預，呢度嘅不干預仲包括埋讚賞。

當孩子能自己解決問題，好多時大人嘅第一反應是去讚佢哋。見守る這種教育方式認為稱讚也是干預的一種，會令孩子偏向用了大人認同的方法解決問題，往後的決定就少了一些孩子的自主性，所以你真係睇住，守住，全身而退就啱啦。

見守る這種教育方法，讓孩子們在學習社交行動中擁有自主權，培養孩子學習新社交技能的內在動力，是自願的，不是因為有大人在旁或為了得到稱讚。自主學習同時也能令他們能內化這些行為，更容易把這些行為實踐到日常中。

唔肯定係咪真係Work，但作為爸爸的我發現，見守る至少畀到我更多清靜嘅時間，見佢哋無乜事我就可以出返去……自己個位繼續返工！