有些父母，會拎小朋友嘅缺點黎講笑，或者在大庭廣眾斥責小朋友，並相信咁樣可以鞭策孩子進步。但對小朋友而言，自己嘅缺點被父母嘲諷；做錯事被父母當眾辱罵，到底會有怎樣嘅感受？對佢地成長又會有咩影響？

有超過30年資歷的美國著名心理治療師Beverly Engel認為，呢類教養方式會令孩子心生羞恥，有機會走向兩個極端，成為兩種截然不同嘅人格：

憎恨父母 ——

佢哋兒時已經承受得太多羞恥，再也塞不進更多羞恥，亦無空間接受愛。因此為咗保護自己，佢哋自己都變成咗會羞辱、貶低他人，以及控制慾過剩嘅人。

恐懼父母——

佢哋嘅銳氣早被挫光而變得唯唯諾諾，不懂得為自己拿定主意，因為佢哋會仰賴父母或他人去為佢做決定，好怕再被羞辱而變得順從，從不質疑權威。Beverly Engel稱之為「情緒癱瘓」。

Beverly Engel指出有些孩子會同時有以上兩種強烈的情感。如果係自小就受嚴重羞辱嘅孩子，仲有機會內化左羞恥感，影響佢地嘅自我價值。

圖片來源：Unsplash