唔知大家有無留意過到底你嘅BB 通常為咩會笑呢？英國倫敦大學心理學家Dr. Caspar Addyman就做過一個名為The Laughing Baby嘅研究項目，想了解BB嗰啲溶化人心嘅笑聲到底有咩特別。
佢發現原來peekaboo，即係遮住臉再扮鬼臉，係萬試萬寧而且世界通行嘅方法！玩呢個遊戲嘅時候，父母畀到小朋友嘅係100%嘅注意，你無得一邊玩手機，亦無得敷衍了事。BB需要學習與人互動，得到父母嘅注意同埋父母嘅回應，其實就係社交嘅起始點～而喺一歲左右，BB更會意識到佢可以引到你笑，呢個可以話係BB同父母之間，無需語言嘅互動。