本地學者話你知：小朋友升小一，最大壓力來源什麼？

小朋友升小面對一個全新嘅環境，都會有唔少壓力！

孩子升小一已經有壓力

香港教育大學幼兒教育學系黃敏博士的一項研究顯示，受訪212位兒童中超過八成參與研究的幼稚園生都覺得自己升讀小一後，會有社交壓力，包括被欺凌、對權威感到緊張、朋輩衝突、被孤立的感覺。

當中，亦有逾兩成小朋友亦會擔心自己無足夠能力應付，包括學習、跟從規則、自理方面的挑戰；受訪的小朋友之中只有6%預期開學後唔會有負面事情發生；反觀喺主張愉快學習嘅芬蘭，研究指1,386位幼稚園兒童中，有27.3%嘅芬蘭小朋友話自己對將來小一開學完全唔擔心。

家長可以怎樣幫助孩子？

我們無法複製異國的無憂，但想幫小朋友面對小一的改變，也不是沒辦法。你我正是關鍵！

研究話，家長嘅情感支援有助加強小朋友的心理健康，亦都係小朋友承受學業壓力時嘅緩衝區。所以爸爸媽媽記得要關注小朋友嘅情緒、同佢哋傾多啲計，了解吓佢哋不同嘅壓力源同憂慮之餘，都可以同佢哋做定入學前嘅心理準備呀。