研究：轉身射個３分ball！小朋友會愛上數學科？

「轉身射個 3分ball！」「YES！」（歡呼聲！）

！等陣！唔好慶祝住呀，入咗 3分ball，你個隊依家有幾分？又領先對手幾多分？

研究話，喺呢個 moment 問賽事相關嘅數學題，可以令小朋友對數學嘅興趣有所增加！

打籃球如何增強數學成績？

一個丹麥哥本哈根大學嘅研究指出，如果把數學融合籃球特製出一個「籃球數學課程」，只需要 6 個星期，就會令 7-12 歲嘅小朋友對數學嘅興趣有顯注嘅提升。研究團隊訪問小朋友時發現，他們在「籃球數學堂」時，面對籃球相關的數學問題，會有更大的學習動機，亦會有更大嘅動力去解決與籃球相關的數學問題。

可是，筆者作為籃球愛好者，越睇越覺得唔多對路……入咗個  3 分 ball 嘅反射動作一定係回後場防守囉！雖然小朋友嘅籃球練習未必有咁激烈，但這個研究沒有告訴你的是……

中間成日暫停叫小朋友計數，到底有無影響到佢哋對籃球嘅興趣？

活動式教學會培養到小朋友嘅學習興趣，呢個結論其實喺家長界早已經被廣泛應用；但係當一切變得太過極端，不再只是輕鬆咁將玩樂融入教學，而是一切嘅玩樂都要搭上學習元素……會唔會適得其反？

如果連玩嘅時候都全部滲入學習元素，又是否奪去了屬於小朋友童年那種純粹地享受玩樂的權利？