你，幾耐無同爸爸坐低傾心事？
筆者爸爸已離開了有5年多，但其中一次我同佢坐喺糖水鋪談天說地嘅片段，仍然歷歷在目。
子欲養而親不在。筆者十分後悔，為甚麼以前沒有好好珍惜他在的時日，特別是年輕時曾有一段時間，我和爸爸甚少深入交流。
然而，不少筆者身邊的朋友，都與父親有過這段冰河時期，甚至到今天都還未復和的也不少。
爸爸媽媽，誰更可能與孩子疏遠？
原來，跟父親疏遠並不是什麼稀有事件。
一項新的美國研究發現，成年子女與父親疏遠比與母親疏遠的可能性大四倍。研究中，只有 6% 的成年子女指他們與母親有過一段時間的疏遠，但就有 26% 的成年子女表示他們與父親有疏遠過。
親子關係疏遠後，能不能挽救呢？
不過又咁，呢個研究仲有另一個特別嘅發現，雖然與父母關係疏遠的情況常見，但大多都只是暫時性的。研究數據顯示，81% 曾與母親疏遠過及 69% 曾與父親疏遠的子女，都能與父母修復關係。
至於點解會容易啲同父親疏遠？研究作者就認為其中一個原因係：母親多數都係兒女的主要照顧者，喺兒女細時就建立了一個比較親密的關係。
當然，美國研究又未必可以套用在香港家庭的情況，但成年子女同父親無咁 friend，又真係似乎在筆者身邊比較常見。唔知大家身邊或自身經驗又係唔係咁呢？
而我作為兩個女兒的爸爸，大女今年年齡由個位變雙位數字，不經不覺就十歲，有時都會慨嘆時間過得好快，今日仲同我攬頭攬頸嘅女兒，佢長大後，我呢個父親又會唔會有日「被疏遠」呢？
參考資料
Ohio State University. (2022, December 15). Adult children more likely to be estranged from dad than mom, study shows: Estrangement overall is fairly common, national study finds. ScienceDaily.
圖片來源：freepik