童年無憂是真的嗎？研究：情緒強度會因應年紀改變

童年係咪一定無憂？原來人愈大愈憂愁，又會愈老愈睇化，都係有得解？

你或者都見過，兩個幾歲嘅小朋友明明上一秒鐘仲喺度因為扮鬼臉而哈哈大笑，呢一秒就突然因為邊個先可以伸條脷出嚟而鬧翻鬧到喊，點之下一秒又因為個鬼臉夠搞笑開心翻。

童年無憂是真的嗎？

童年嘅世界就係咁簡單，好少事就可以刺激到佢哋開心或傷心嘅神經。

反而人老咗，就算遇上好開心嘅事都未必可以無憂咁大笑，又或遇上傷心事又唔會咁容易就會流下眼淚。唔知你對上一次開懷大笑或淚流滿面係幾耐之前？

研究：情緒強度會因應年紀改變

近日有個研究綜觀人嘅一生嘅正向情緒同負面情緒出現嘅頻率同強度，發現人嘅正向情緒出從9歲開始一直愈嚟愈少又愈來愈弱。

可能你會問，咁係咪真係愈大愈唔開心？

咁又唔係喎，個研究同時發現負面情緒從一個人22歲開始，亦一樣會愈來愈少出現，又愈來愈無咁強烈。

成長體驗，更珍惜童真

自己成長就係一個親身體驗。因為種種原因同人生嘅歷練，童年無憂大笑、傷心大叫，隨心所向嘅能力漸漸消失，又或者係我哋一直用理性去壓過感性，一直咁做，一直咁做，直至不知不覺間失去了感性嘅能力。

所以，每次我見到自己對仔女開懷大笑時，雖然我唔明白佢哋笑乜，或甚至覺得佢哋笑緊嘅嘢好無聊，但心裡總有一種莫名嘅衝動，好想去盡力保護他們的童真，那種好大機會會被成長逐漸逐漸磨平的童真。

圖片來源：Pexels