研究：爸爸輕度焦慮，有助孩子成長？！

不少近代嘅研究已指出父母嘅過分焦慮同埋抑鬱會對孩子成長出現壞影響，不過加拿大McGill University 2023年一個研究竟然發現爸爸有輕度嘅焦慮及抑鬱，對小朋友人成長嚟講有可能係件好事？！

研究對象是輕度焦慮的爸爸們

今次研究主要對象係針對爸爸。一來，針對爸爸嘅研究比較少；二來，喺大家印象中，爸爸通常都係比較唔緊張，有啲甚至唔多參與育兒，繼續自己原本嘅生活。研究團隊特別排除了有較嚴重臨床焦慮症或抑鬱症的爸爸，期望針對性咁測試有輕微焦慮或較緊張嘅爸爸會對孩子成長有乜影響。

研究最終發現，在控制了母親產前抑鬱症狀和父母教育程度的情況下，父親自行報告的產前輕微焦慮憂鬱症狀較高，孩子6-8歲時的行為或情緒問題就會較少，例如是孩子能夠長時間安坐、很少發脾氣和具持久注意力等；同時孩子亦有較高的認知表現的能力。

緊張或放鬆，才是最好？

雖然呢個研究無法找出確切嘅原因，點解爸爸出現輕微嘅焦慮及抑鬱症狀，對孩子嘅成長有正面影響，不過卻帶出了一個很重要嘅發現；就係平時爸爸緊張返少少，媽媽放鬆返少少，對小朋友嘅成長或者就Perfect池！

即使呢個研究無講到緊張啲嘅爸爸會否參與育兒多啲，但以往其實已有不少研究指出爸爸參與育兒對孩子成長嘅重要性及不可取代性，如果爸媽的緊張程度平衡一點，應該對家庭及孩子健康成長都有好處㗎！