當孩子傷痛不被理解，親子關係及信任也會一併瓦解？

「好痛呀！！！」
「唔痛唔痛，無事嘅。」

唔知你有無試過，明知小朋友打針又好、撞到枱角又好，肯定好痛，但為咗安慰小朋友，會講咗啲口不對心嘅說話？甚至有啲長輩仲會大條道理咁講：「男人大丈夫，咁小事都話痛？！」，質疑小朋友驚同痛嘅感覺。

不被理解的痛

近日南澳大學發佈嘅研究就指出，當人感覺到「痛」，而呢種感覺被身邊的人懷疑或忽視，這些不被理解的經歷可能會令當事人的心理受到嚴重影響。

這些不被理解的經歷，對小孩影響尤甚。當父母質疑他們過分演繹當下的傷痛，可能會破壞了孩子與父母之間的信任和關係，還會影響未來孩子是否會對父母表達自己真正的感受。

父母別以自身感受去作批判

研究人員表示，父母應該注意如何與經歷傷痛的仔女溝通。我們不該以自己認為他所傷害有多大或多小，來處理小孩嘅反應及情緒，反而應該嘗試理解小朋友當刻的反應，接受他們當下對痛的演繹。

研究發現家長能認同孩子對當下痛苦的演繹時，他們會感到被傾聽和被信任。南澳大學研究員沃爾沃克博士說：「當父母以符合孩子所表達的脆弱來處理孩子的經歷時，可以幫助孩子感到被接納，建立聯繫和信任，並可能幫助孩子培養調節情緒的關鍵技能。」

接納孩子的感受：知易行難

我諗不少父母都希望孩子同自己講真心話，但到佢講得繪形繪聲時，又不期然咁想問：「有無咁誇張呀？」。當然做咗幾十年人嘅我哋，同做咗幾年人仔嘅佢哋對一啲事嘅理解同演繹會有好大嘅唔同，要好好提住自己，接納孩子的感受，不對佢嘅感受作出質疑，事實又真係易講難做。

阿E近來就嘗試緊訓練自己，唔好咁快對小朋友講嘅嘢作出反應，畀少少空間自己，消化咗先，我發現咁做對小朋友講嘅事，會有另一種體會！

圖片來源：Pexels