孩子好奇心的威力，你領教過未？

美國教育心理學家Susan Engel話，好奇心係當我地碰到自己唔熟悉嘅事物時，會感到意外，進而產生想去了解佢嘅衝動，呢種「想知多啲」嘅衝動就係好奇心，可以話係人嘅本能。

可惜Engel觀察到，小朋友從一返學開始，好奇心就明顯減退。想好好保留佢呢顆好奇心，父母提供高質嘅情感依附係關鍵。因為對一個3歲小朋友而言，踏出探索腳步嘅重要前提，係一個安全基地。