「嗰個阿媽好市儈架，佢帶咗個囡去好多名校面試架！一定係虎媽黎呀！」
「嗰個阿媽好有問題架，淨係帶佢去一間幼稚園面試，一陣間無書讀個小朋友就慘啦！」
「嘩！佢住係天水圍要去到九龍塘上堂，難為佢阿爸阿媽咁都忍心！」
「嘩！樓下間幼稚園得個近字，係我就唔會俾個仔去讀啦，都唔知佢個阿媽做乜咁懶，肯定遠少少都唔想送個仔去返學啦！」
「佢個仔，日日都要上唔同嘅堂架，肯定唔係為興趣啦，遲早迫死佢個仔！」
「佢個仔，日日放學唔係返咗屋企就係係街度玩，乜都唔學，遲早俾人淘汰！」
父母總是質疑自己的對錯
依啲咁嘅批評或批判，作為父母真係聽唔少！越睇得多新聞同親子網頁，越懷疑自己做嘅野到底是對是錯！原本，與老婆仔女傾談就可以下決定，最終還是不停的反問自己，路是否應該這樣行！？
每一個晚上，在女兒睡覺前，我必定會為她講讀至少一個故事。以為是為她說故事，使她對世界了解更多。最後，原來是為自己說故事，使自己不要被世界牽引，回到原本最純真的初衷！
父子和驢的寓意
伊索寓言，唔知大家又有無用黎做睡前故事？筆者十分喜歡其中一個故事——父子和驢。正正係因為呢個故事，我明白到與家人及女兒一起作出的決定，要交代的人亦只有女兒、老婆及我自己！以下短述一下那個故事，各位父母，你會與我感同身受嗎？
從前有一對父子，佢地拉住隻驢行，行咗一陣，有人話佢地蠢：「有驢都唔騎，咁蠢係度行路？」於是，爸爸就叫仔仔騎上驢上。
行咗一陣，又有人話個仔不孝：「乜個仔咁架，要個老豆行，自己就騎驢，真係唔知乜世代！」於是，仔仔就讓爸爸騎驢。
再行咗一陣，今次有人話個爸爸自私：「個仔咁細，就要佢行咁多路，自己咁壯健都仲霸住隻驢騎，真係枉為人父呀！」於是，佢地兩個都騎左上隻驢度。
故事仲未完，因為又有人話佢地虐畜：「有冇搞錯呀﹖兩個人騎一隻驢，隻驢好慘呀！」於是，佢地兩個人就決定要抬隻驢番屋企。
故事寓意不需再作陳述。
每一個決定，都只有你跟你家人明白背後的原因。只要係家人，包括當事人，即係你的子女，都支持的，都喜歡的，還理會那些不相干的四姑七婆幹甚麼？