情緒系列｜面對恐懼「知驚」——都係生存技能？

我個仔乜都驚一餐，點解佢咁膽小㗎，將來點做男人大丈夫！？

首先，男仔係咪要大膽啲呢個性別定型嘅哲學問題要遲啲先處理。呢刻先想大家知道嘅係——小朋友個膽比較細、知驚，原來係學習生存一個好重要嘅大腦發展里程碑！

恐懼都有用處

恐懼，幾乎係成長中不可或缺的一種感覺。而且就同所有情緒一樣，都有用處。無咗恐懼，天不怕地不怕，企係懸崖旁邊唔知驚、見到賊都唔識怕，命仔真係凍過水。

所以小朋友怕與父母分離、怕黑、怕生保、怕電影中的怪物等等，都係一個正常反應。這些典型的童年恐懼，將有助小朋友發展大腦處理恐懼嘅能力，自我防禦嘅機制。

不過，要學識處理恐懼，並唔係叫大家不停製造驚嚇畀小朋友，而係要把握小朋友覺得驚恐嘅時機，教孩子知道恐懼呢種感受係咩嚟，學會如何面對佢，分辨何時要出動恐懼應變機制，然後佢哋就會慢慢懂得處理令他們恐懼的情況。

和孩子一起面對恐懼

1. 與孩子討論他的焦慮，並表示同理，分享一下自己小時候如果處理相同的恐懼，向他解釋許多孩子都有不同的恐懼。
2. 千萬不要貶低或嘲笑他的恐懼，尤其是在其他人面前，或在他的同學朋友面前。
3. 父母應該與孩子討論父母採取了哪些措施來幫助他面對，例如怕黑的可加上夠暗的夜明燈，甚至可以讓孩子參與定立處理恐懼的方法。
4. 不要試圖強迫你的孩子變得勇敢。他需要時間來面對並逐漸克服他的焦慮。然而，你可以鼓勵他面對他所害怕的事物，但千萬不要讓他感到有壓迫感。

由於恐懼是生活中的正常部分，並且通常是孩子對環境中真實中感受到有威脅的反應，因此父母應該放心和支持他去緩緩面對。

記住恐懼並非一定要小朋友的敵人，呢種情緒都可以係小朋友長大後的救生技能！

但不是所有恐懼都有用處

不過，雖然話恐懼對小朋友成長十分重要，但小朋友對於恐懼嘅接受程度，有一個 threshold（界點），過咗呢個 threshold 就會反過嚟影響小朋友腦部發展，令佢哋無法分辨到幾時係安全、幾時係危險，從而令他們的恐懼反應機制崩潰。

不少研究更顯示，當小朋友遭到肉體或精神虐待，他們會出現持續性恐懼和慢性焦慮，令他們長時間處於恐懼反應被激活的狀態。小朋友的大腦正在一個發育階段，當壓力反應系統出現超於可負荷的 threshold 時，最嚴重甚至會影響大腦神經傳輸的效率，導致長期身體和心理問題，降低小朋友的學習與社交能力。

筆者將於下一篇，分享這些肉體或精神上暴力對待，如何影響小朋友的腦部發展，大家密切留意啦！