研究：暑假會令學生嘅數學能力「特飛猛退」

暑假小孩參加Summer learning course相信大家都唔陌生。但，你有冇聽過乜野叫summer learning loss?

原來學術界都有探討過暑假對小朋友嘅影響，發現暑假會令學生嘅數學能力「特飛猛退」，仲稱之為summer learning loss，放一個暑假平均會令佢地嘅數理能力退步咗2.6個月！聽到依度，相信有家長可能已經攞起左電話，準備打俾補習社。但到底點解係數學而唔係其他科目呢？專家解釋，原來咁係因為大部分家長們同小朋友都覺得數學係喺班房入面學嘅，喺日常生活中唔會用到。

試諗下，即使暑假我地仲會有bed-time story嘅時間，但就未必會做啲同數學有關嘅事。不過Harvard Graduate School of Education亦做過研究，即使學生喺暑假一星期做三份練習，都不見得可以彌補到呢個summer learning loss，佢地建議家長應該將數學融入日常生活，例如同小朋友一齊買餸時，問下佢三個蕃茄加二個薯仔總共係幾個﹖或者叫佢計下找幾多錢。花小小時間同小朋友玩吓大富翁或拼圖呢類需要數理頭腦嘅遊戲，都有助減少Summer Learning Loss架！

圖片來源：Pixabay