研究：仔女電視睇得多，父母壓力反而會大咗？

你以為電子奶咀讓你有得抖，研究話你知，孩子電視睇得多，父母壓力反而會大咗。

原因喺啲廣告度！

一個由美國 University of Arizona 牽頭的研究去年底訪問了 433 名 2 至 12 歲兒童的家長，研究員發現當家長經常讓孩子看電視，等自己有得 take a break，最終卻會變成壓力更大。

原因很簡單，愈看得多電視，孩子就愈常接觸到形形色色的廣告；看愈多的廣告，他們就愈會堅持行街買東西；一旦父母拒絕，也更容易發脾氣。最終會令親子起衝突，父母的整體壓力亦會增加。

咁點算？

負責今次研究的助理教授 Matthew Lapierre 提議家長檢視一下，自己是如何跟孩子談「消費」這回事的呢？研究員把親子談消費的方式，大致分為三類：

一）Advertising communication談廣告

父母會跟孩子說「廣告扭盡六壬就係為咗令你畀錢」！

二）Control communication免談

父母控制一切消費的決定：「無得傾，你想買咩我都會Say NO」！

三）Collaborative communication你講我聆聽

父母會邀請孩子分享想法：「你講吓點解你覺得要買呢樣野？」

研究員指出第一和第二種溝通方法和孩子堅持要買東西，甚至扭計有所關聯，還是少用為妙。

另一個更直接的方法，就是減少孩子的 Screen time，不過 Lapierre 都說：講就易，要做到就唔簡單了。（“that can be easier said than done”）

不過相信大家都唔想畀完小朋友食電子奶咀，抖嗰一陣，換嚟親子衝突，阿仔又鐘意亂買野，到時就真係得不償失了。

圖片來源：Pixabay