研究咁講｜跟孩子談性系列03：父母應該點樣同孩子討論青春期？

經過上兩個熱身，今次入戲肉，同大家探討下究竟應該用咩方式談性教育。直接定間接？單向定雙向？

父母應該點樣同孩子討論青春期？立刻睇睇美國兒童及青少年科學專家Dr. Hina Talib與青少年康體及教育機構創辦人Vanessa Kroll Bennett給家長的建議！

迷思：說教式將資訊填塞給孩子

家長可能因為覺得唔自在，又或者太著緊要將「正確訊息」灌輸予孩子，結果好似「說教」咁將大量青春期資訊塞俾孩子。

生理層面嘅知識可能難唔到父母，但咁做有可能忽略了孩子細膩嘅情感層面，令家長無法與孩子連結，家長變相少咗好多機會去了解孩子的感受與看法。

專家建議家長不妨用問題作為引入，先了解孩子對有關題目認識多少。如果孩子嘅提問，家長未必能即時解答，家長都可以坦白講自己唔清楚，查找資料後再回答，又或者你哋仲可以一齊查下～

此外，家長亦需要令孩子感受到呢個係雙向對話。畢竟青春期孩子一般都會對自己嘅外形感到不安和焦慮，將自己和朋輩比較亦是常見之事。

家長可藉此機會探聽孩子的疑慮，並給予安撫，亦可以告訴孩子：「當大家身處這個階段時，都可能會對自己外表變化有複雜嘅感覺、甚或是負面情緒。這些改變係平常嘅。」透過坦白溝通，為孩子提供一個自在嘅談論空間、建立正面嘅自我形象。