心理學教授：稱讚都要有「均衡套餐」

父母們應該都聽過不少理論學說，講應該如何稱讚小朋友。但係專家一時就叫家長 #稱讚過程，一時就叫我地 #稱讚孩子的特質，真係有種「媽，我好亂」嘅感覺。

▋兩派各有說法

由美國史丹福大學心理學家Carol Dweck為首的一派，話應該讚小朋友努力嘅過程，而唔係「聰明」呢類特質，咁先培養到孩子的「成長心態」。

然而，講到點樣培養孩子的道德品質時，多倫多大學兒童心理學教授Dr. Joan Grusec就話，直接讚孩子的品格特質（「你係個善良嘅人」），比稱讚孩子的行為（「你做咗件好事」）更有效。

咁唔通，為咗給予孩子合適的稱讚，我們每一次喺讚之前都停一停，load一load：「這是取得成就的時刻，所以我要稱讚過程」，或者「這是道德發展的時刻，所以我要表揚個人特質」？顯然不切實際。

▋稱讚都有「均衡套餐」

墨爾本大學心理學教授Lea Waters就提供咗一個新觀點，佢認為以上想法其實是一種「二元對立」思維，誤以為最好的稱讚方式只有一種。佢建議父母採取稱讚的「均衡套餐」，即係將兩種方法混合使用，既稱讚個人，又稱讚行為。

咁講可能太抽象，等我地直接舉例說明下：

「你充分發揮了你的創造力（特質），畫咗幅咁靚嘅畫（行為）。」
「你努力學習、勇於發問（行為），讓自己的數學才能更進一步（特質）。」

呢種混合稱讚方式嘅好處，在於可以同時向孩子傳遞兩個層面的資訊：
1. 認可了孩子的個人優勢，幫助孩子了解自的優勢，同時讓他知道優勢是動態的，是可以培養的。
2. 認可了孩子的行為，幫助孩子理解這些行為的好處，從而鼓勵他在未來重複這些行為，複製自己的成功。