如果大人會問：到底係邊個發明返工？
細路應該都會問過：到底係邊個發明校服！？明明咁多學生唔鍾意著校服，點解都要人著？
唔少人認為著校服，小朋友唔洗日日襯衫，自然可以專注學習，而且大家著起一模一樣嘅服飾，應該可以建立群體認同同歸屬感。
不過，呢個想法原來未必有根據。
俄亥俄州立大學嘅研究發現，著校服可能令感到無法與同學和老師建立連繫。人類發展及家庭科學助理教授 Arya Ansari 推測：「打扮是學生表達自己的方式，可能是學校體驗的重要部分。所以，當學生無法展示他們的個性，自然覺得很難融入群體。」
聽落有啲道理，孩子無咗一個展示真我嘅方式，覺得真正嘅自己似乎無被接納，甚至可能要勉強自己去融入學校環境，對學校歸屬感低啲都唔出奇。編輯即時諗起以前被學校逼著嗰件核突校褸ಠ_ಠ
不過，著校服喺香港係常態，都無得揀著唔著，唔知大家對校服又有咩睇法？
資料來源：
Dewar, G. (2022). School uniforms: What does the research tell us? Retrieved 25 April 2022.