「喂，新黎嗰個，你成份野串左錯8個字，仲有第4段同第3段都唔知你講乜，我畀兩個鐘你同我執返好佢！」上司一連串炮轟下，我強忍著眼眶中的淚水。
大家好，今天是我第七天上班，這是我人生第一份工作，雖然工作不算繁複，但由於什麼也是第一次做，總是錯漏百出。
「喂，你快手啲啦，仲喺度自言自語！」
剛剛炮轟我的是一位年長我數十年的上司，他是公司的元老級人物，大小事情他也瞭如指掌。在他眼底下工作，壓力十分大，事情做錯了當然被他罵，還未做錯的他也預先罵，活像個先知。雖然只工作了七天，但每天被他痛罵，第一天上班的熱誠已消失得無影無踪了。
你呢？工作了也有十多年吧，相信已經是公司裏的senior或者有一點兒江湖地位。你會怎樣去帶新人？由得他們自生自滅？還是會親力親為去教？我有舊同學話佢上司好照顧佢，又肯教，有問題又會幫手處理，我真係好羡慕呀。
──以上的場景是否似曾相識？不過不在職場。
「喂，你有無畀心機做架。成份功課串左錯8個字，仲有第4段同第3段詞不達意，食飯前好改返好佢啦！」父母一連串炮轟下，我的眼淚水掉下來了。
大家好，今天是我第七年在這個家了，今年小一，雖然功課不算多，但由於什麼也是第一次做，成日要改正，爸媽話我唔畀心機做。
「喂，你快手啲啦，仲喺度自言自語！」
剛剛責罵我的是年長我數十年的父母，他們是這個家的最高領導人，大小事情他們也要管。在他們眼底下讀書壓力十分大，做錯了事情當然被他們罵，還未做錯的他們也預先警告，達不到要求，注定受罰，而且他們什麼也要管。雖然只活了七年，但每天被他們痛罵，我開始覺得返學一啲都唔好玩，又要做功課，做得唔好又要畀人鬧。
你呢？做了父母也有十年八載吧，是家裏的話事人。你會唔會陪佢哋做功課？係唔係由得佢哋想點就點？還是會陪住佢哋成長？我有同學話佢父母會願意聽佢嘅心底話，陪伴佢面對困難，有問題又會指導佢可以點處理。
我真係好羡慕呀……
圖片來源：Pexels