編輯話：如何煉出高自尊感孩子講座後有感

「好彩有出席，學到好多嘢」——講座（如何煉出高自尊感、有自信的孩子？）喺晚上9點40分散場，我都未返到屋企，已經收到呢個短訊，嚟自一位本身病咗，以為自己嚟唔到嘅家長。好開心收到大家嘅好評❤️。

現場講座的堅持

仲記得宣傳期間，常常有家長PM我哋，問可否錄影或線上重播。明明可以收多幾個人錢喎，做乜唔做？

因為呢場講座好講求「現場感」，相信有嚟到嘅家長就會明白，最終我哋都係決定「只有實體」嘅安排。

和家長一起「走冰山」

非常感激當日有幾位父母願意分享自己嘅親職掙扎，並且讓講者作為案例，喺現場同大家一起「走冰山」，即係大家一齊去代入媽媽和孩子的角色之中，了解各自的期待、感受、觀點，尤其是渴望。

過程中，更有十數位家長一齊擔當主角（媽媽）和她的孩子的冰山內在體驗，為不同層次發聲，幫助主角（媽媽）自我覺察和更理解孩子的真正需要。

記得有位媽媽代入咗孩子嘅角色，感觸地分享，她忽爾明白孩子還只是小朋友，但父母卻容易不自覺將過高的期望放在他們身上。

和孩子同行才能建立高自尊

正正係透過現場體驗，家長們可以更確切咁明白到，要替孩子建立高自尊，有時不需要花太多力氣去拉拔，反而讓孩子感受到被明白、被看見，並有父母陪伴同行的感覺，孩子冰山最底層的核心：自我價值，就得以好好發光發亮，會自發地想要成長，並勇於接受挑戰。

❤️再次謝謝每位來到參與的家長們
❤️也謝謝講者Connie用心引導
❤️以及一路幫手的同事、Helper和老細