聖誕禮物一定係物質主義？畀你三秒鐘，你答唔答得出上年聖誕節送咗乜野畀小朋友？唔記得？或者要用好耐先諗起？放心～唔係因為我地又老左，記憶力差左，而係原來我地嘅大腦天生如此。
外國有研究指出大腦本身就會好易忘記物質性嘅禮物，但對體驗式嘅禮物，即係一家人一齊開心做一件事例如去旅行、一齊上手作坊或烹飪班、一齊去欣賞合家歡電影或表演、在家中一齊玩桌遊，開心的歷程就會放到長遠記憶嘅區域，永遠珍惜！
體驗式聖誕禮物
送聖誕禮物畀小朋友係希望佢開開心心，但原來陪住佢過，同佢一齊玩先可以好好咁記住，研究仲話體驗式嘅禮物可以增強雙方的感情關係。
當然，禮物也要保持在預算範圍內以免超出家庭開支或過度消費，同時也應該考慮孩子的年齡和興趣，如此才能縮窄選擇範圍，找到最合孩子心水的禮物。
所以話聖誕禮物唔一定要物質主義，祝大家有個美好溫馨嘅聖誕假期，創造可以慢慢細味嘅回憶！始終父母陪伴在孩子身邊的快樂，是多多金錢也買不來的，相處時間能讓孩子留下深刻的美好的記憶，這是物質禮物所無法取代的。
圖片來源：by micheile dot com on Unsplash
資料來源：
- Seppala, E. (2017, December 15). Stop Giving People More Stuff This Holiday-Do This Instead.
- University of Toronto. (2016, December 15). There’s a science to gift giving: experiences are better than material items. ScienceDaily.
⭐自家廣告⭐
若想收到POPA最新活動詳情，可按此加入POPA活動發佈Whatsapp群組