研究：孩子變得物質主義，原來又關家長事？

社會上總有聲音話新一代孩子好幸福，精美玩具、靚衫……想要咩就有咩。但我哋相信，擁有愈多物質唔等於愈幸福，如果你都認同，而且唔希望培養出物質主義嘅孩子，咁以下呢個研究就值得我哋一起深思。

密蘇里大學與伊利諾大學芝加哥分校一個共同研究顯示，有三種教養策略會令小朋友更易變得物質主義：

1. 收走孩子擁有嘅物件以示懲罰；
2. 透過送禮物展示對孩子嘅關愛；
3. 當孩子完成某啲目標時，買禮物俾佢哋當獎勵。

以上三種做法都會令小朋友用物質嚟定義一個人成功與否，而呢種價值觀甚至會延續長大之後。

研究員Lan Chaplin提醒家長：「買嘢送俾小朋友係無問題，不過記得鼓勵佢哋對自己擁有嘅一切感恩。每當小朋友表達謝意多一次，佢哋就會更意識到自己有幾幸運，並變得更慷慨。」

圖片來源：Pixabay