家有幼兒，你心目中最理想的男女分工係點？交畀媽媽全職湊？定係由爸爸做個「全職湊仔公」？原來唔同國家對男女家庭角色安排都有好唔同嘅意見。
國際社會調查計劃（ISSP）做過四次全球性嘅家庭及性別角色調查結果顯示，喺2014年公布嘅研究報告入面，北歐同西歐國家有五成人認為應該「媽媽返半職，爸爸全職」，另有三成人覺得兩公婆一齊全職工作最理想。
不過墨西哥、菲律賓、日本同埋台灣等國家，就有超過五成人認為家有幼兒，最理想係「媽媽辭職，爸爸全職工作」。甚至乎，有七成墨西哥人認同「如果媽媽去工作，幼兒會受害」！
其實，除咗兩公婆是但一個留喺屋企湊，仲有好多人會選擇將小朋友交俾祖父母照顧，或者搵外傭姐姐同託兒服務幫手。
咁你同另一半又點樣揀呢？
資料來源
- 編輯室 (2016, March 04). 評論：誰來照顧幼兒？ 媽媽，阿嬤，保母，還是托嬰中心？
- Evi Scholz, Regina Jutz, Jonas Edlund, Ida Öun, Michael Braun (2014). ISSP 2012 – family and changing gender roles IV: questionnaire development. 2014.
⭐自家廣告⭐
若想收到POPA最新活動詳情，可按此加入POPA活動發佈Whatsapp群組