不止2歲以下不建議用手機 研究：父母用手機，孩子受傷機會上升！

過去叫家長唔好比小朋友用「電子奶咀」嘅研究多不勝數，終於有研究講父母用手機嘅後果啦！

原來家長同小朋友去公園玩嘅時候，有七成時間都唔係專心照顧緊小朋友，當中差不多三成時間，就係因為智能產品而分心！研究指當家長無睇住小朋友，佢地就會傾向做啲危險嘅活動，好似由韆鞦蹤落地咁。國外就有數據指父母使用智能手機令小朋友受傷機會上升一成！

唔單止增加身體受傷嘅危機，你地嘅關係同樣受到考驗。試諗下，當你同仔女相處，但個心都仲喺電話度，佢一震一閃，你隻眼同手就已經同個電話合體……有研究觀察過不同嘅家長，發現全情投入喺螢幕之中嘅父母，會較無耐性，傾向嚴厲對待孩子。

今時今日，我地的確無法唔用智能手機，都做父母都可以用得有法。專家話，試下喺小孩睡覺後或睡醒前的一段時間，定為電話專用時間，但在電話專用以外嘅時間，就要全心全意與小孩相處，細味親子時光！