#15 Terry（全職爸爸，囡囡 2歲）

眾所周知，設計呢行工作時間不穩定，經常有返工無放工，而囡囡又需要人照顧，Terry與太太商議、考慮重重因素後，毅然放棄原來嘅設計工作，投身做「湊仔公」，起初以為家頭世務呢類工作係手板眼見功夫，好易handle，但加埋一個破壞力極強嘅兩歲小朋友喺左右打轉，真係頭都大埋！

所以話全職媽媽係世界上最偉大辛苦的工作，自古中國人傳統觀念都係「男主外，女主內」，爸爸願意擔起呢個工作，更顯得難能可貴。

Terry：「我知道陪囡囡時間得好少，小朋友大得好快，轉眼間，女大女世界，以後想陪都難。」就喺Terry講完呢句說話，鏡頭一轉嘅時候，囡囡就已經掛住同其他小朋友玩，唔理爸爸。相信聰明嘅大家都明白Terry嘅意思啦！

「此刻此刻，作為爸爸，我會用盡所有時間陪伴，成為囡囡嘅巨人，做佢最大嘅保護同最強嘅後盾，當佢長大後，希望我們嘅關係變成最親密嘅朋友，最好嘅傾訴對象。每次有人問我嘅職業，我都可以自豪咁講：『我係一位全職爸爸！』。」

圖片由受訪者提供