叮噹改編故事：如果可以科技改造孩子，你會心動嗎？

二十二世紀，叮噹再次為了拯救大雄，穿越了時空，來到了大雄還未出世之前⋯⋯

叮噹：「野比先生太太，我是來自二十二世紀的機械貓，我是來拯救你們的！」
「我哋做乜要你拯救？」
「野比太太已經懷孕了，是不是？」
大雄爸爸媽媽驚訝的點一點頭，因為當時她也只是剛剛知道自己懷孕⋯⋯
「你地個仔叫做大雄，佢……咳咳……為人懶惰、依賴，缺乏常識智慧，時常考試零分，更會不停闖禍，他的運動能力也是十分驚人地……差勁！」

聽到呢度，大雄爸爸媽媽已經忍不住大罵這隻機械貓，怎麼可以這樣說他們還沒有出生的孩子！

叮噹為了證明自己所言非虛，登登燈凳～～～～拿出了法寶：時光電視。

在看過了大雄在未來的生活畫面，大雄的爸爸媽媽終於認命：「我們還以為他會有劉華的外型、霍金的頭腦、美斯的運動細胞、「李氏力牆」的生意手段及科豆爸爸的科學智慧……」

叮噹打斷了還在喋喋不休的野比伉儷：「我就係為左呢件事而黎！」

然後…登登燈凳～～～～基因改造機
「只要有那些名人的頭髮，就可以將他們的基因注入你的胚胎，令他得到那些特徵！」

登登燈凳～～～～隨意門！
「正所謂送佛送到西，隨意門都借埋畀你地，去拿他們的頭髮吧！」

好不容易，大雄父母終於集齊了五位名人的頭髮，放進了「基因改造機」。
叮噹：「跟住只要兩位按呢個紅色按鈕，大雄就會擁有你們剛才說的一切！」

於是，大雄爸爸拖著大雄媽媽的手，然後慢慢移去那個按鈕之上⋯⋯
如果，你係故事中的大雄爸爸或者媽媽，你地會唔會按呢個紅色制？

其實改造人類基因技術早已唔再係科幻漫畫嘅情節，只係倫理道德一直都係最大關卡。近日，英國納菲爾德生物倫理委員會的一項獨立報告指出，編輯人類胚胎，精子或卵子的DNA以影響嬰兒的特徵（「可遺傳基因組的編輯」{heritable genome editing}），在道德上應該可以寬鬆一點處理。

唔知各位爸爸媽媽又點睇～？當小朋友嘅基因真係有得揀，你又會唔會揀？*

*更新：根據Facebook上的投票結果，截至2018年11月29日，選擇維持孩子原來模樣嘅人佔6成，另有約4成人支持改造。